飲食武林
文：小料子 攝影：何浩強 model：李綺雯
香港地寸金尺土，竟然有人在尖沙咀旺區地舖開設空手道場?
冇錯，開張三個月，晚晚其門如市!
唔係學拳、唔係踢館，係幫襯。
梗係，因為呢間日本料理個名就叫「空手道」嘛。
用流派個名做招牌，真係唔怕有人踢場?
「就係用咗呢個名，不知幾多空手道中人幫襯! 就連香港極真會師範田代正一先生都係常客。」負責人賢哥原來鍾意玩Playstation的極真空手game所以至起用空手道做店名，誰知無心插柳。
既然成日有高手做座上客，即刻搵個青春無敵、識飲識食準女優，綽號「o靚妹」嘅李綺雯出馬試招! 唔係，係試菜。
身為女優，老鼠、草龍、水曱甴話吞就吞面不改容(佢話)，所以今次試食呢度嘅首本菜「青芥秋刀黃金燒」同「三色蟹蓋」，區區魚同蟹，更加不放在眼內!
三爬兩撥之下，秋刀魚屍骨無存。
做女優，辛苦你啦，奸吧爹呢!