食神 The God of Cookery

食神史提芬周驕傲自大,被商業利益沖昏了頭,以至遭朋友出賣,一夕之間事業化為烏有,周也人間蒸發。

廟街大姐大火雞崇拜周已久,一日落魄的周到雞的麵攤吃霸王餐,被衆人毒打。後雞收留周在廟街生活,周憑著創新的點子和商業頭腦,以「爆漿癩尿牛丸」重出江湖。

周為了再度挑戰食神大賽,專程前往大陸受訓。雞追上大陸向周表白,卻遭周無情拒絕。現任食神派人暗殺周,雞為周擋了一槍,生死未卜。

周在少林寺接受嚴格的訓練後現身食神大賽,以深情的「黯然銷魂飯」挑戰唐的「超級無敵海景佛跳牆」。最後周終於領悟食的真諦,重回食神之位。

首映日期:1996年12月21日

監製:楊國輝

製片:吳家諾

導演:周星驰、李力持

編劇:周星驰、曾謹昌、勞文生、谷德昭

攝影:马楚成

演員:周星馳、莫文蔚、谷德昭、薛家燕、吳孟達、劉以達、羅家英、歐錦棠

阿棠飾演:一開始食神大賽中被史提芬周收買的司儀。

-- 台詞 --

司儀:(畫外音)全港至尊名廚大賽現在開始!

司儀:有請我哋今晚嘅評判——「食-神」!

司儀:「食神」首先要品評嘅就係大龍鳳酒樓嘅總廚——戴龍師傅嘅「皇帝炒飯」!

食神:好!居然將啲米釀喺箕圍蝦内邊蒸熟,再用原汁吉品鮑魚榨汁,加上吉品官燕嚟炒,表面上睇上嚟平平無奇嘅炒飯,其實金雕玉砌,高深莫測,不愧有炒王嘅稱號。(廚師笑)可惜,水分太多(廚師止笑),飯粒太軟影響口感,因爲你連炒飯最基本嘅常識都忽略咗——要用隔夜飯炒呀,炒王!零分!

廚師:啊?!

司儀:跟住要試食嘅就係錦江飯店大廚劉三師傅嘅「錦繡多味魚」!

食神:嘩!居然用蘇眉頭、星斑背、三刀腩、魶魚身、奀哥尾來重新砌成一條魚,仲要一邊蒸一邊炸,每種魚兩種食法,總共十種唔同味道,條魚眞係……眞係受咗輻射咁喎,睇見就想嘔喇,你仲話叫我食?!零分!返屋企自己檢討吓。

廚師:我……

食神:(畫外音)你咪就係多嚿魚囉你!

旁邊的廚師:唔係多嚿魚,你係多咗幾嚿魚呀!你呀,你呀你係多咗幾嚿魚呀!

司儀:即刻就試食嘅就係御膳房陳東師傅嘅素菜「金鏤佛衣」!

食神:咦呢味齋菜變化豐富,刀功細膩,造型突出,連最難雕嘅豆腐都被你雕到十分精細喎,雕幾耐呀?

廚師:雕咗成日……

食神:咁只得個雕字!臭晒喇!你聞到嗎?

廚師:呃……聞到,不過,主要呢個菜式嘞顯示我快刀手的刀功啫!

食神:唔該伸出你嘅左手,突出你嘅中指(廚師伸手出來,中指被包紮過)快刀手就快損手,好嘢!

司儀:而家只係整低五羊酒店大廚楊震師傅嗰味「乾坤燒鵝」啫,看來今次佢要攞冠軍係好穩陣喇!

食神:(試了試燒鵝表面的溫度)凍晒喇!零分!收工。

廚師:咪住!既然叫「乾坤燒鵝」,當然内有乾坤喇。其實我哋要食禾花雀咋,嗰啲禾花雀吸收燒鵝味,而且保溫,喺呢個時候食,啱-啱-好o架!每個環節我都計算埋啊!嗱-嗱「食神」,冇嘢好說啩?!

司儀:精彩啊!今屆嘅「至尊名廚」終于誕生喇!

食神:咪住,都係零分!

廚師:吓?!

司儀:喂!唔係呀嘛!

廚師:點解吖?

食神:因爲太醜樣。

廚師:冇可能嘅!我嘅禾花雀係百中選一,無論身材、樣貌都係一等一o架喎!

食神:我並不係指D雀,係指閣下。

廚師:我醜樣?!(衆人點頭)喂!醜樣關餸咩嘢事吖?

食神:關事。試問見到閣下嘅樣,邊有胃口食?所以我都唔敢望你。

廚師:醜樣冇罪o架?!

食神:有罪。作爲一個廚師應該考慮食客最細微嘅心願,等於三級片啲女星都要用隆胸取悅觀衆,你有D潛質嘅,不過整個容先講。(廚師哭)

記者:唔該拉開佢嘅手喇!

司儀:估唔到「食神」對菜式嘅要求係咁嚴格!究竟點先可以煮到一個無懈可擊嘅餸出嚟呢?

食神:煮食之道,最緊要係…一個字(整出一個「心」字),呢味「彩虹鮮花拔絲」係我送畀大家嘅甜品。

司儀:吓!係一個心字?!

食神:冇錯!只有用「心」先可以做到最好嘅菜!

(衆人試食)

最後一個廚師:好-好-味-呀!

(黑色的舞台,司儀一人站在上面,一束spotlight投在他身上)

司儀:佢高傲,但係宅心仁厚。

佢低調,但係受萬人景仰。

佢可以將神賜畀人類嘅火運用得出神入化。

佢可以煮出堪稱火之藝術嘅超級菜式。

佢究竟係神仙嘅化身?定係地獄嚟嘅使者嘞?

無人知,但係可以肯定,每一個人都畀佢一個稱號——「食-神」…

(銀幕外伸進一隻手,打了司儀一巴掌)

食神:你就講神仙嘅化身咪得囉?你講乜嘢地獄嘅使者吖?地獄關我咩事呀?

司儀:我諗住加少少神秘感畀你咋嘛……

食神:你諗住?!咁幾時輪到我諗吓呀喂?神秘感!神你老母!黑晒畫面,一盞spot 打落嚟,瞓咗成隻鬼咁,你仲嫌唔夠神秘感?喂,而家我唔係拍恐怖片呀,大佬!

司儀:導演叫o架……

食神:攞個導演出嚟你同我搵人買起佢!跟住你再同我搵人買起你!有啲咁嘅廢柴導演,要有你啲咁嘅廢柴司儀,大家配合埋一齊,先能跣到我咋嘛!而家你係唔係玩我呀?!

司儀:對唔住吖!我,我保證下次……我改改佢喇……

食神:廢柴!

司儀:我而家去改一改佢。

食神:你條廢柴!記住呀,你係一碌廢柴!你唔好行返,你碌返去好喇你!

-- 錄自《食神》DVD --