飛砂風中轉 Once A Gangster
「和義盛」坐館火水(方中信 飾)卸任在即，惹來久違了的黑幫戰國風暴。火水力薦親信火腩(陳小春 飾)為繼承人，而這位曾血洗百人斬的猛將現經營的餐廳「義盛小館」已為香港著名食府之一，他一心要與家人樂融融，無心戀戰。另一方面曾因替幫會賣命而入獄、「和義盛」開山祖師後人燕子文(鄭伊健 飾)亦在此時刑滿重獲自由，他媽媽(余安安 飾)為兒子策劃鴻圖大計，誓要奪回江山，不過，燕子文早已洗心革面，他求學心極強，往大學過學生生活是他唯一心願。
其實兩個大熱人選皆想盡方法避開這場龍頭大哥爭霸戰，背後卻有強大阻力，為他們度計竭力剷除對方，累得火腩與燕子文前仆後繼，左右做人難，無奈的衝突，無奈的刁轉，最無厘頭的決一死戰在所難免。
上映日期：2010年5月20日
拍攝年份：2009年
監製：麥兆輝、黃斌
導演：莊文強
演員：鄭伊健、 陳小春、方中信、余安安、劉浩龍、歐錦棠、陳子聰、葉璇、C君(農夫)、藍奕邦等
阿棠飾演：大星銀行職員。
台詞/ 截圖
[大星銀行內]
銀行職員：炎生嘅咭數已經超過信用額喇，兩個豪宅二按5期未還，基金4期未供，3份accumulator到期，根據條款，我哋要cut account 咭嘅。不過咁，本住我哋銀行植根香港，服務社群呢個宗旨嘞，我哋誠意介紹一個債務重組計劃畀炎生啊?
火水：阿王經理吖? 你知我做盛行嘅係嗎?
銀行職員：知道，知道。炎方瑞先生係社團和義盛嘅領導人o架嘛。
火水：你知我做坐館係嗎? 你驚我無錢還呐?
銀行職員：唔驚，唔驚。不過根據資料顯示，阿炎生嘅任期重有幾個禮拜就屆滿喇噃。
火水：無啲咁嘅事。
銀行職員：無事，無事。啊，不如咁喇，我哋有兩份債務重組計劃推薦畀……
火水：我重組你老母啊! (眾人：嘩~~~)你信唔信我搵人斬死你再燒埋你間銀行?
銀行職員：信，信。首先要隊冧我嚟講嘞，我本人有買保險o架，但受益人就唔係寫你，所以你隊冧我嘞對你嘅債務都係於事無補o架。其次嘞就係銀行咁啱又有買保險o架，但咁啱個受益人又唔係寫你，所以你燒咗佢嘞，對你嘅債務都係於事無補o架。以阿炎生嘅situation嚟講嘞，你join我哋銀行嘅「破釜沉舟債務重組計劃」……
火水：你試下再講多次!
銀行職員：你掃晒我啲嘢落地對你嘅債務都係於事無補…
火腩：大佬! 做咩事啊? 啊?
火水：無事，銀行嚟o架!
火腩：係。
火水：無事，無事。啊?
火腩：大佬! 走啊!
火水：我唔打你我唔姓炎啊!
銀行職員：何必咁勞嘈嘞? 都係於事無補o架。
火水：斬你呀，冚家鏟! (對眾人)擠提啊，買好至走啊!
火腩：唔好意思呀! 唔好意思呀!
銀行職員：睇路啊，炎生。
--
[大星銀行外]
銀行職員：嘖，仆街啊! 哼! 唔好走啊!(踩到汽油)
火腩：唔好啊!
Last updated on 5 Aug 2010