笑臉迎人

作曲：劉穎途
填詞：岑偉宗
主唱：暉女、丁荔、眾舞客

暉：　　買枝花替你裝胸作勢，
　　　　我啲生計靠枝花墊底。
　　　　就算種自爛泥，
　　　　每枝花都花色美麗。

丁：　　滿心興奮也必須控制，
　　　　縱使今晚氣氛多脫軌。
　　　　面對意亂情迷，
　　　　我必須臨場自制。

暉、丁：今晚賺得到，
　　　　一個大數。
　　　　拎番去交租最好。

暉：　　你出身富貴兼且架勢。
丁：　　我出身有咁低得咁低。
暉、丁：做嘢努力入迷。
暉：　　你俾貼士等於勉勵。

丁：　　我希罕少女身嬌與貴。
暉：　　我希罕闊少追啲女仔。
暉、丁：在這舞蹈現場，
丁：　　這孤單誰來代替？

男舞客：今晚夜歌舞，
女舞客：嘔晒白泡。
舞客們：乜都跳，乜都嗌好！

暉：　　我啲花價晾高先架勢。
丁：　　托盤需要托高先借位。
暉、丁：仲要笑面迎人。
　　　　汽水鮮花一味猛遞。
丁：　　我只想去進修心發奮。
暉：　　我只想去刮沙多兩蚊。
暉、丁：讓我笑臉迎人，
　　　　理想先隨時步近。

·錄自 原創音樂劇 - 細鳳 之場刊·