舞林高手

作曲：劉穎途
填詞：岑偉宗
主唱：細鳳、文蘭、佐治仔、眾舞客

細：　　細碼恤衫著上場，
　　　　窄腳褲夾腳。
　　　　飛機恤襯黑超眼鏡，
　　　　今晚包搶鏡。
文：　　搏上鏡
佐：　　跳舞鬥靚。
細：　　曬爆四面鏡。
三人：　開心，最正。
文：　　細鳳舞步正！

佐：　　One two three four,
　　　　Two two three four.
　　　　冠亞季盡掃！
　　　　Step Step Point and Step！
　　　　隨即刻扭番正!
文：　　有細鳳，冇個贏。
　　　　跳舞佢夠曬靚。
　　　　風騷，佢領！
　　　　腳法最四正！

文、細：你跳佢跳個個猛跳，
　　　　跳到腳震笑笑笑。
三人：　彎腰彎身彎出新招，
　　　　隨新歌走走跳！
佐：　　你夠騷，
　　　　搏佢撩！
細：　　同場合拍
　　　　肝膽相照，
三人：　拍住上，
　　　　最重要，
　　　　上上，你上我上。
佐：　　夾晒節拍，
　　　　咪笑我怪相，
文：　　腳痺咪勉強。
　　　　一邊掹槍，
　　　　一邊碴支香，
　　　　pat pat 好生養。
三人：　猛咁跳，跳到缺氧。
　　　　試過會技癢。
　　　　新招試跳，
　　　　我都算健將！
細：　　搖
佐：　　曳
文：　　舞姿。
細：　　明
佐：　　艷
文：　　舞衣
細：　　贏
佐：　　人
文：　　絕招
三人：　姿勢招搖。
細：　　搖
佐：　　曳
文：　　舞姿。
細：　　明
佐：　　艷
文：　　舞衣
細：　　贏
佐：　　人
文：　　絕招
三人：　姿勢招搖。
眾：　　你跳佢跳個個猛跳，
　　　　跳到腳震笑笑笑。
　　　　彎腰彎身濕濕碎料，
　　　　呢招先緊要。
　　　　你夠騷，
　　　　搏佢撩！
　　　　同場合拍
　　　　肝膽相照，
　　　　拍住上，
　　　　最重要，
　　　　新招，彈地跳。
　　　　加分，拱吓橋。
　　　　攞個奬去全場炫耀！
　　　　Yeah!

·錄自 原創音樂劇 - 細鳳 之場刊·