第一場：香港文化中心廣場
【威歌】　塡詞：岑偉宗

大佬棠：今生第世，威猛唔係乞米，
　　　　數到天邊腳底，超晒班出晒位？
　　　　情義一世，好過關公上帝，
　　　　不怕風吹雨洗，都有friend將你睇。
　　　　我班friend到齊，全家福有埋陣勢！
　　　　油尖區發圍，同舟兼夾能共濟，
　　　　從未有失蹄！
　　　　超級默契，保證聯繫一切，
　　　　呢個朵請記低，感覺相當徹底，
　　　　陪住你，每晚去威！
眾：　　如論人氣殺晒直情能越界，
　　　　任我哋叫囂或呼天叫地。
　　　　嗱入場當晒馬掂行同掂企，
　　　　如做台戲入場飛係我與地！
大佬棠：歡呼萬歲朝晚全部都對，
　　　　街霸天天進取，興奮星光裏追。
　　　　情義千歲，添上千种樂趣，
　　　　風雨光輝記憶，威震尖沙咀。
　　　　我班friend到齊，全家福有型陣勢！
　　　　誰一聼我嚟？嗱即刻會流鼻涕？
　　　　連鼻血都出嚟？
　　　　尖東十里，堆滿無謂鄉里
　　　　踩冧香港法紀，真正一兜鹵味
　　　　（整臭香港世紀）
　　　　全部嘥氣，想要居港賤婢，
　　　　好快啲走去死，搵個窿比佢匿。
　　　　咪批准佢嚟，來親打到殘又廢！
　　　　明知都照嚟，唔通想嗌人問米？
　　　　誰犯我必噬！
　　　　香港萬歲，炳你唔限萬歲！
　　　　邊個藐藐個咀，炳到今生冇咀！
　　　　侯住你…咪再…當我…齋噏…吹！

·錄自 戶外音樂劇 - 夢斷維港 之場刊·