第七場：油痲地的一條後巷

阿Sir

塡詞：陳文剛

辣椒：　請阿Sir你要知道，要救人就襯早。
　　　　從細被毒癮擺佈，成世亦無嘢撈。
　　　　唔上電也要醫吐，遲吓仲要着草。
　　　　點做？點做？餐餐都欠租。
眾：　　唉！阿Sir你真好，都有份野做。
　　　　唉！我卻爭取亞媽寵愛乜鬼都無。
　　　　從來無人教導，成下爬係鬚，
　　　　我心地好雖則講數，心地好（你有冇？）
　　　　我心地肉做，咪睇我哋早晚係咁蒲。
　　　　請你明白法官呀！我嘅母親太差，
　　　　唔去做嘢去賭馬，從冇話顧吓家。
　　　　由細學壞到家吓，脾氣大性格差，
　　　　打罵，打罵，蘿柚開晒花。
大佬棠：啱！阿Sir咪縮沙，請教導佢吧！
　　　　呢個細蚊仔佢只需要關注感化。
　　　　謂成日責駡，其實唔係差。
　　　　佢只不過樣衰不雅。
眾：　　樣衰衰（咪抗拒），樣衰不是罪，
　　　　我樣衰點解要揼幾陲。
　　　　唉！繼父食慣塞米，後母又做過雞，
　　　　而老豆病到痴肺，前世就腎已虧。
　　　　全靠係老母乞米，噚晚病發「慣」低，
　　　　真係濕滯，淒慘得徹底。
咸Q： 　喂！阿Sir係幫手，頂檔做老豆，
　　　　呢個細蚊仔認真須要搵你打救。
　　　　貧賤無奈接受，誰願扒或偷，
　　　　佢只不過樣衰口嗅。
眾：　　蠢豬兜（似怪獸），暗瘡一舊舊，
　　　　佢飲酒猜枚確係一流。
辣椒：　幫吓忙社工好嗎？借兩舊刮吓沙，
　　　　確實要去wet吓，傻嘅就問阿媽。
　　　　從細就冇嘢識怕，唯怕做嘢最差。
　　　　天父，聽話比架車我揸。
金毛：　喂！阿Sir似觀音，幫佢係責任。
　　　　呢個細蚊仔好需要擺脫黑暗，
　　　　誰願成日放任，其實無現金。
　　　　無錢駛最好襯地淋吹乒乓，一出生
眾：　　無庇廕，我衰得極甚，
　　　　每天都好想有運光臨。
辣椒：　唔怕認冇個生性，自細就愛隊冰，
　　　　人最忌冇咗本性，唔怕做馬騮精。
　　　　人要食腦靠反應，難怪做嘢咁醒，
　　　　都係好在，生得鬼咁醒。
眾：　　喂！阿Sir咁出位，想向住你跪。
　　　　我哋要睇睇你點解咁威猛巴閉，
　　　　凡望人就猛吠，其實唔係威，
　　　　「恰」細路正契弟，蓆西（潮語）！

·錄自 戶外音樂劇 - 夢斷維港 之場刊·