歐錦棠拍電影先益自己黎思嘉接吻戯遭嘲笑

歐錦棠近期忙籌備自資所拍的實驗電影，自言此期間四出拍膊頭搵幫手，才明白做老闆的艱難，工作人員的辛苦。不過，他透露片中黎思嘉將獻出熒幕上初吻給自己，但笑言：「我知道呢個唔係思嘉嘅『處吻』，如果係就做足工夫，用晒香口珠、飲香片茶，仲會打埋金牌送俾佢。不過咁喎，唔知佢同啲乜人錫過，如果我個口有飛滋嘅話，就一定唔會拍，容乜易有傳染o架!」

而昨日阿棠在化妝間內碰着專為新人做大衿姐的冰姐，隨即邀請對方為明年新婚日子三月廿八日做大衿姐，冰姐亦隨時拿取他與女友萬斯敏時辰八字，但轉頭冰姐卻表示日子已被另一大戶人家禮聘，阿棠則聲言：「要趕嚟呀! 我會用幾個大漢去挾持你。哈!」

另一方面，黎思嘉聞悉阿棠言語上暗示她不檢點，思嘉笑言：「佢講笑啫，講真我就反面，不過拍接吻戯，自己都會嗽口先，兼要求對手都要衛生嘅，我都冇收佢錢，連利是都唔攞，再嫌三嫌四就隨時罷拍! 但係我好多謝佢俾機會我，自己仲擔心驚表現唔好，會嘥佢啲錢!」