重拍親熱戯呷醋質問歐錦棠彈萬斯敏老土

由歐錦棠執導的實驗電影「李小龍傳」仍在拍攝中，最近他又邀得到好友伍詠薇幫忙客串，另外還有位天皇巨星參與演出，但阿棠怎也不肯透露是誰，只說：「拍完我先話畀你哋知啦!」

阿棠表示，最近女友萬斯敏忙於替他整理電影片段，連之前拍下的也重看一次，十分幫忙。但當她看到男友與張文慈的親熱戯時，即黑口黑面質問他：「點解要拍兩次呀? 你係導演嚟o架，係咪你話要拍o架? 我覺得第一次拍都冇問題呀!」阿棠多次向女友解釋這是攝影師的要求，但萬斯敏卻不相信。最後阿棠只好半夜叫醒攝影師拿製作特輯錄影帶給女友看，她才相信。

阿棠忍不住表示：「佢真係好老土o架，咁都呷醋，成日都咁問我，有時我同啲異性朋友講吓拍電影嘅細節，佢又話我點解同人講咁耐，就嚟激死我啦。」